ЛЕЗГИ РУШ

Гьуьсейн Ариф (Гьуьсейнзаде)
А таза хъуькъвер ви хьайила яру
Наздалди килигиз вилер хъуьрезва.
На лугьун Шагь суван чIурарай къацу,
Атӏана цуькверин тажар хразва.
А михьи гъилери ахъаяй хурар,
Лацу хур дагъларин лацу кIукI ятIа?!
Къуьнерал чкIанвай а расу чIарар,
Зулу ваз бахшнавай лакьрен муг ятIа?!
Ви ванциз гана яб вацIун кьере за,
И ван гур чарчаррин шахъшахъ сес яни?!
Атир квай нефес ви экуьн береда
Чиг алай пакаман ял, нефес яни?!
Вегьейла кьилел на а буьшме вили,
Ам вили тир цавар ятIа юзазвай?
Вили пек алайла, ви иервили
Экв гузва, гатфарихъ дегиш жеч завай.
Иервал-чимивал, куькIвенвай чирагъ,
Иервал-илгьам я, мурад я, рикI я.
Иер руш цавара нур гузавай рагъ,
Чиликай хкатай таза са цуьк я.
Вуна чин тагайла гьукум я кьетIи,
Хъилерин лепеяр юзаз дегьнедай.
«Суй авай килигун гапурдлай хци»,
Ала чи бубайрин мецел бинедай.
Бахт авай уьмуьрдал ийидач хьи хъвер,
Чидач вун гьахъ ятIа, вун нагьахъ ятIа.
Виш рикIел хъеларна, авуртIани хер,
Тек са рикI рахурна кинарда вуна.
Девирдин шив физва атIуз дагъ-дере,
Уьмуьрдай йисар зи фена алатна.
Гьайиф хьи, лезги руш, ви жегьил бере,
Гьуьсейнан кьуьзуь тир вахтуна гьатна.
Ləzgi qızı
Hüseyn Arif (Hüseynzadə)
O tər yanaqların qızaran zaman,
Süzülə-süzülə gözlərin gülür.
Sanki Şahdağının çəmənzarından
Çiçəklər toplanıb çələng hörülür.
Açanda yaxanı ağ təmiz əllər,
Ağ sinə dağların ağ zirvəsimi?
Çiyninə tökülən qızılı tellər
Payızın qızılı hədiyyəsimi?
Səsini dinlədim çay qırağında
Bu səs şır-şırların şaqraq səsimi?
Ətirli nəfəsin səhər çağında
Şeh dolu çəmənin gül nəfəsimi?
Çəkəndə başına mavi örpəyi,
Mavi gözlərdimi yellənən bu dəm?
Sən göy geyinəndə bu gözəlliyi
Bahara dəyişib, yaza vermərəm.
Gözəllik hərarət, gözəllik atəş,
Gözəllik ilhamdır, ruhdur, diləkdir.
Gözəl qız səmada parlayan günəş,
Torpaqdan boylanan təzə çiçəkdir.
Üzün bozaranda hökmün qətidir
Qəzəb dalğaları qalxar dərindən.
Zəhmli baxışlar sərtdir, itidir,
Ləzgi babaların xəncərlərindən.
Səadət hər ömrə gülməz cahanda
Bilmirəm nahaqsan, bilmirəm haqsan.
Min qəlbi küsdürüb yaralasan da,
Bir qəlbi dindirib oxşayacaqsan.
Zamanın köhləni yeyindən-yeyin.
Başımın üstündən illər ötüşdü.
Heyf ləzgi qızı sənin gəncliyin
Hüseynin qocalan vaxtına düşdü.
Автор Юсиф Халилов
Азербайжан чIалай лезги чIалаз элкъуьрнава.