Свернуть поиск
Дополнительная колонка
Правая колонка
Одӥг шулдыр нуналэ
Келяз монэ анае
Пырак гуртлэн пумозяз.
Кошкыкум тазьы вераз:
Тон эн вунэты ноку
Аслэсьтыд вордскем гурттэ,
Анайдэ но атайдэ,
Доре бертон сюрестэ.
Ӵем гинэ мон берталляй,
Дуно вордӥськем гуртам.
Шумпотылӥз туж анай,
Верам кылъёсыз сюлмам:
Тон эн вунэты ноку
Аслэсьтыд вордскем гурттэ,
Анайдэ но атайдэ,
Доре бертон сюрестэ.
Аръёс туж ӝог ортчизы,
Нылпиос но будӥзы.
Мон табере верасько,
Ку соосты келясько:
Тӥ эн вунэтэ ноку
Асьтэлэсь вордскем гурттэс,
Анайдэс но атайдэс,
Доре бертон сюрестэс.
15.08.26

Присоединяйтесь — мы покажем вам много интересного
Присоединяйтесь к ОК, чтобы подписаться на группу и комментировать публикации.
Комментарии 3