Свернуть поиск
Дополнительная колонка
Правая колонка
Абу Умома розияллоҳу анҳудан ривоят қилинади:
"Бир киши Набий соллаллоҳу алайҳи вассалламдан:
"Гуноҳ нима?", деб сўради.
У Зот соллаллоҳу алайҳи вассаллам:
"Қалбингдаги шубҳали нарсани тарк қил", - дедилар.
У: "Иймон нима?", - деди.
У Зот соллаллоҳу алайҳи вассаллам:
"Агар ёмонлигинг ҳафа қилса ва яхшилигинг хурсанд қилса, бас, мўъминсан", - дедилар".
(Абдуллоҳ ибн Муборак Муснадларидан Марфуъ хадис)
☘️☘️☘️☘️☘️
#Ҳадис_661
#Исмлар_ҳақида.
Абу Дардо розияллоҳу анҳудан ривоят қилинади: «Набий соллаллоҳу алайҳи васаллам: «Албатта, сизлар қиёмат куни исмларингиз ва оталарингизнинг исми ила чақирилурсизлар. Бас, исмларингизни гўзал қилинг», дедилар».
(Абу Довуд ривоят қилган).
----------------------------------------------
Ибн Аббос розияллоҳу анҳу: «Албатта, Аллоҳ қиёмат куни ўз бандаларини сатр қилиш учун одамларни оналарининг исми ила чақирур», деди».
(Тобароний ривоят қилган).
Шарҳ:
Баъзи бир тоифа одамларни айбини беркитиш учун онасининг исми билан чақирилиши ҳам мумкин экан. Шунинг учун оналарнинг исмлари ҳам гўзал бўлиши яхшидир.
------------------------------------------
Ибн Умар розияллоху анҳудан ривоят қилинади: «Набий соллаллоҳу алайҳи васаллам: «Албатта, Аллоҳ учун исмларингизнинг энг маҳбублари Абдуллоҳ ва Абдурроҳмандир», дедилар».
(Муслим, Термизий ва Абу Довуд ривоят қилишган).
Манба: Ҳадис ва Ҳаёт 37
☘️☘️☘️☘️☘️
#Ҳадис_60
#Набий соллаллоҳу алайҳи васалламни машойиҳлари.
Урва ибн Муғийра ибн Шуъба отасидан ривоят қилишича, Набий соллаллоҳу алайҳи ва саллам енглари тор бир румий жубба кийганлар.
Шарҳ.
Жубба – кўйлак устидан кийиладиган, енги узун ва кенг, олди очиқ кийим; чопон, тўн. Расулуллоҳ соллаллоҳу алайҳи ва саллам кийган жубба румий (яъни, Шомда яшовчи румликлар ишлаган), енглари тор бўлган экан. У зот румий жуббани сафарда киярдилар. Айтилишича, ривоятдаги ҳолат Табук ғазотида бўлган. Бундан чиқди, муқимликда эмас, айнан сафарда кийиладиган кийимлар енги тор бўлгани афзал.
Бобга хулоса ўрнида қуйидагиларни айтиб ўтамиз:
1. Кийинишда танлаш имкони кўп. Либослар асли пок. Агар бирон кийимда шариат қайтарган белгилар топилса, шундагина уни кийишдан қайтарилади.
2. Оқ ва яшил рангдаги либослар кийиш афзал.
3. Либос кийишда исрофдан, кибрдан сақланиш: кийим-кечакка ҳаддан зиёд кўп пул сарфлаб юборишдан, зарурат бўлмаса-да, либос турларини кўпайтиришдан, кийган кийими билан мақтанишдан тийилиш зарур.
4. Кийинишда эътиқоди, урф-одати биз учун бегона миллатларга тақлид қилинмайди. Агар ғайридинлар ишлаб чиқарган кийимлар фақат уларнинг ўзигагина хос бўлмаса, мусулмон одам бундай либосларни кийиши мумкин.
5. Эркаклар учун ипакдан тикилган, аёлларга мўлжаллаб чиқарилган либосларни кийиш жоиз эмас. Зеро, либос эркакни аёлга, аёлни эркакка ўхшатиб қўймаслиги лозим.
Либослари ҳақидаги боб тугади.
(Имом Термизий ривояти)
Манба: "Шамоили Муҳаммадийя"
#Ҳадис_662
Менга Фузола ибн Убайд розияллоҳу анҳу Расулуллоҳ соллаллоҳу алайҳи вассаллам ҳажжату-л-вадоъда шундай деганларини айтди:
"Сизларга мўъмин ким экани ҳақида хабар берайинми? Инсонлар унга кўра моллари-ю, жонларида омонда бўлсалар - у мўминдир. Инсон унинг тили ва қўлидан саломат бўлсалар - у мусулмондир. Аллоҳнинг итоати йўлида нафси ила курашган киши - мужоҳиддир. Хато ва гуноҳлардан узоқ бўлган кимса - муҳожирдир" - дедилар.
(Абдуллоҳ ибн Муборак Муснадларидан Марфуъ хадис)
#Ҳадис_663
#Ичимлик_ичиш_одоби.
Ибн Аббос розияллоҳу анҳудан ривоят қилинади: «Набий соллаллоҳу алайҳи васаллам: «Туянинг ичишига ўхшаб бир мартада ичманглар. Икки марта, уч мартада ичинглар. Қачон сизлар ичсангиз, тасмия айтинг. Қачон ичиб битирсангиз, ҳамд айтинг», дедилар».
(Имом Термизий ривоят қилган).
Шарҳ:
Демак, ичимлик ичадиган одам шошилмай, яхшилаб ўтириб олиб, олдин «Бисмиллаҳи»ни айтиб, туяга ўхшаб оғзини борича тўлдириб олмай, оз-оздан, бўлиббўлиб ичиши керак экан. Ичиб бўлгандан кейин эса, Аллоҳ таолога шукр айтиши лозим экан.
Манба : Ҳадис ва Ҳаёт 16

Присоединяйтесь — мы покажем вам много интересного
Присоединяйтесь к ОК, чтобы подписаться на группу и комментировать публикации.
Нет комментариев