Свернуть поиск
Дополнительная колонка
Правая колонка
Мәшәҡәттәр баҫһа иңдәремде,
Күңелкәйем ҡанат ҡағына,
Мөмкин булһа, бөтә эште ташлап,
Ҡайтыр инем бала сағыма.
...Унда йәшел үлән балаҫ кеүек,
Ямғырҙар ҙа йылы, ҡояшлы,
Унда – рәхәт! Сөнки әсәйем бар
Йомшаҡ ҡуллы, яҡты ҡарашлы.
Бер ҡайғыһыҙ, бер хәсрәтһеҙ сағым,
Һағындырып төшкә керәһең,
Йыуатаһың хәтирәләр менән,
Киләсәккә көс-дәрт бирәһең.
Төштәремдә бала саҡҡа ҡайтып,
Туғандарҙың тоям йылыһын,
Күҙ алдымда тора һәр береһе,
Онотмайым кесе-олоһон.
...Мөмкин булһа әгәр, ҡайтыр инем
Ғәмһеҙ, бошмаҫ бала сағыма,
Эс бошҡанда күңел шунда әйҙәй,
Шул саҡтарҙы күңелем һағына...
Фирүзә Абдуллина.

Присоединяйтесь — мы покажем вам много интересного
Присоединяйтесь к ОК, чтобы подписаться на группу и комментировать публикации.
Нет комментариев