Свернуть поиск
Дополнительная колонка
Правая колонка
Кулыма каләм алдым,
Алдыма кәгазь салдым.
Каләмемнең очын
Зәңгәр нурга мандым.
Зәңгәр күк астында
Зәңгәр елга аксын.
Зәңгәр болытларда
Кошлар канат каксын.
Калыксын алсу ярда
Алсу манаралар.
Зәңгәр су өстендә
Чайкалсыннар алар…
Ап-ак йортлар үссен,
Ак болытка тиеп.
Ап-ак күбәләктәй
Кызлар йөрсен биеп…
Ә кояш елмаеп,
Нурлар сирпеп торсын.
Минем туган җирем
Һәрчак шундый булсын!
🤗Татарстан китап нәшриятында Резеда Вәлиеваның балалар өчен китабы басылып чыкты.
Сатуда бар: https://tatkniga.ru/catalog/detskaya_literatura/stikhi/d_nig_barabyz.html

Присоединяйтесь — мы покажем вам много интересного
Присоединяйтесь к ОК, чтобы подписаться на группу и комментировать публикации.
Нет комментариев