Һөнәре – уның йәшәү рәүеше

Мәҙәниәт өлкәһендә ғүмере буйы халҡына хеҙмәт иткән бал ҡортондай егәрле, аҫылташтай күп ҡырлы талантлы, хеҙмәте менән хөрмәтле Ниғәмәт мәҙәниәт йорто мәҙәни ойоштороусыһы Нурия Фәхретдин ҡыҙы Ғатауллинаның бай эшмәкәрлеге хаҡында яҙырға булғас, уның ҡайнап торған дәрте, арымаҫ-талмаҫ йөрәге ҡайҙан көс ала, тип таң ҡалаһы ла юҡ. Тыуған еренә, ауылына, унда йәшәгән кешеләргә булған мөхәббәте Нурия ханымды бөтмәҫ-төкәнмәҫ илһамлы, талмаҫ ҡанатлы итә икән! Үҙе хаҡында һөйләүен үтенгәс тә, ул әле тыуған ауылы, шул ауылдан сыҡҡан шәхестәр, үрнәк алыр атҡаҙанған мәҙәниәт хеҙмәткәрҙәре тураһында һөйләүҙе, улар өлгөһөндә йәш быуынды тәрбиәләүе, ауыл халҡын мәҙәниәт усағы тирәһендә туплап ижад итеүе хаҡында ҡанатланып һөйләүҙе хуп күрҙе. https://tamasha-rb.ru/articles/common_material/2026-03-31/n-re-uny-y-sh-r-eshe-4633896