35 гадоў таму Беларусь зрабіла адзін з галоўных крокаў у сваёй найноўшай гісторыі — стала незалежнай дзяржавай.

25 жніўня 1991 года Дэкларацыі аб дзяржаўным суверэнітэце БССР надалі статус канстытуцыйнага закона. Гэта адбылося праз тры дні пасля правалу путчу ГКЧП у Маскве. Дакумент замацаваў вяршэнства беларускіх законаў на тэрыторыі краіны.
Ужо 19 верасня БССР была перайменаваная ў Рэспубліку Беларусь, а бела-чырвона-бел
ы сцяг і герб «Пагоня» сталі дзяржаўнымі сімваламі.
За 35 гадоў Беларусь перажыла шмат выпрабаванняў, але сама ідэя незалежнай беларускай дзяржавы засталася фактам, ад якога немагчыма адкруціць гісторыю назад.
Жыве Беларусь! 🤍❤️🤍