Özbəkistanın Mirzə Uluqbəy adına Milli Universitetində hicab taxan tələbə qızlardan baş örtüyünü çıxarmaq tələb olunduğu bildirilir

Bu barədə sosial şəbəkələrdə yayılan videoda universitet əməkdaşlarının bir qrup tələbə ilə söhbəti əks olunub.
Görüntülərdə müəllimlərdən biri tələbələrə belə bir tələbi səsləndirməyin onun üçün də xoş olmadığını, lakin universitetdə müəyyən edilmiş qaydaların olduğunu deyir:
“Bizə də bunu sizə demək xoş deyil, amma etika, intizam və müəyyən edilmiş qaydalar var”.
Sosial şəbəkələrdə yayılan məlumatlara görə, görüş oktyabrın 13-də keçirilib.
Videodan hicabı çıxarmaqdan imtina edən tələbələri hansı tədbirin gözlədiyi aydın olmur.
Noyabrın 12-dək universitet rəhbərliyi yayılan görüntülərlə bağlı açıq açıqlama verməyib. Universitetin rəsmi saytında da məsələyə dair izahat dərc olunmayıb.
SON XƏBƏR