Талун 80 арӧс тыран Юбилей пасйӧ Помӧсдінысь Нина Васильевна Пашнина (том дырйи- Морохина).

Нина Васильевна чужліс Улыс Воч сиктын. Школа помалӧм бӧрын нывка велӧдчис Сыктывкарса посни челядь велӧдысьӧ (воспитательӧ). И матӧ 40 во уджаліс Сордйывса детсадын, кытчӧ ыстісны сійӧс велодчанінсянь. Медводз пӧ бӧрді, тӧдтӧминад ыстӧны да. А Сордйыв сиктыд менӧ паныдаліс зэв бура, шань йӧз тан олӧны, ӧдйӧ ставыскӧд тӧдмаси, казьтывлӧ олӧма ань. Верӧсыскӧд Кӧсьта Ӧлексейкӧд, Скӧрӧдумса зонкӧд, кыпӧдісны выль керка Помӧсдінӧ. Чужтісны пиӧс. Ӧні Василей пикӧд олӧны кыкӧн, верӧс важӧн кувсис. Выль керка, коромина кодь пилӧн, гӧгӧр дзим-дзурк. Пӧрысь мамлӧн торъя жыр. Бура дӧзьӧритӧ мамсӧ пиыс. Чолӧмалам Нина Васильевнаӧс Юбилейӧн. Сиам крепыд дзоньвидзалун да тыр-бур олӧм! Юбиляршаӧс чоломавны воліс Помӧсдінса ветеранъяслӧн сӧветӧн веськӧдлысь Карманова Нина Ивановна. Неыджыд козин воис и Кулӧмдін районса ветеранъялӧн сӧветса веськӧдлысь Сазанович Елена Александровнасянь.