Ӈаниˮ пота тотревʼ сёбарˮ ненэцяˮ Нядаʼ хараданʼ яʼ ханярид тутаˮ. Пыдоʼ Ямалʼ янаˮ нермбэртяʼ ненадо «кубок»мʼ матомаʼ няюʼ няхарˮ юд нюртей мэваʼ пыхыдадоʼ хорпаӈгуˮ. Помнандоʼ хуркариˮ пирдырми мэтаˮ. Пыдоʼ хано санарпаӈгуˮ, тынзяӈо моёпаӈгуˮ, таротаˮ. Ӈэрмʼ терˮ мэсыдоˮомна ламбитавахана сюрбертаˮ.

Неноховавна ӈэдалёртиˮ нидоʼ нертембавамʼ маниева илека ӈэӈгу. Тикыʼ хавна мядоˮ терˮ, ембдяроˮ конкурсˮ таняӈгуˮ. Мирдатнаˮ ӈамгэридоʼ тэвраӈгуˮ. Маняˮ янаˮ ненэциеˮ илаʼ саиро манэˮманзь ӈаниˮ яхат туртаˮ мядондаˮ таняӈгуˮ. Таремʼ яханаˮ туртаˮ техэˮ похот ӈокворӈаˮ.

Сянаковаʼ ялэ сертабадаˮ нинаˮ индоʼ яданʼ ӈахакуд хамекуˮ. Пыдоʼ нянандоʼ ненэциеˮ едʼ сертабада ӈарка ялядоʼ туртаˮ нитоʼ ихина понʼ сава тенилӈэ хаёбата сава ӈыˮнив.

Сидяӈгахаˮна 2025 похона ӈэвыˮ серо маниедаˮ

Алла Вануйтоʼ падвы
#НяръянаНгэрм#Ямал#деньоленевода