газета "Няръяна Нгэрм" и "Мынико"

Ӈобнзер’ мэб’’нана’’ мэбе’’ӈава’’
Ямальской районхы Сё-Яха’ харад’ тер’’ «Дружба народов - не просто слова» ӈарка фестивалямдо’ юкад вата матдомдэй мэва’ ядабтадонзь. Клубандо’ мюня мел’’ сертавэхэт ӈарка выставкам’ ма’’лаць. Манэ’’лабтярӈэ мэвы’’ ӈамгэ’’ тэри хамзъялыць.

Тикы’ хавна хардаханандо’ илена’’ сян ненэцие’’ тэнз’’ харто’ ембдяродо’ мэ’’ӈаць. Ӈарка толь’ ни’ хуркари’’ ӈавар’ тэнз’’ ӈадимдець. Тюку по’ ёто’ мысыд’’ сер’ хусувэдо’ ябцвы лески’’ няхато’ тэвраць. Ма’’лёвы’’ нито’ мякана мядомэдрев’ пуна ӈобнзер’ нито’ сертавы концертм’ манэ’’манзь ӈамдыдаць.

газета "Няръяна Нгэрм" и "Мынико" - 5398638881672

Хуркари’’ вадавна хыно’’наць, тараць, лахарю минрець. Тикы ялямдо’ Сё-Яха’ тер’’ илекавна мададонзь.

Хусувэй хибя ямда мэневада вэяхаданда, мякаданда паӈгды. Якоцява’’ саць сямба’’на’’ тара. Тодо’’ тэнзм’ мэп’’нана’’ ӈод’’ ӈобнзер’ мэб’’нана’’ маня’’ мэбе’’ӈава’’.