ӘЛЛӘ НИГӘ МОҢСУ

Әллә нигә моңсу булып китте,
Үксеп -үксеп килә елыйсы.
Күңелемдәге бөтен сагышларны,
Кайнар яшем белән юасы.
Күңелкәем бераз бушап калгач,
Карап тордым ерак офыкка.
Нигә генә икән шулай язмыш,
Кайчагында үксеп елата?!
Язмыш шулай итеп сыный бугай,
Түзәрме, дип кеше баласын.
Язмышлардан узмышлар юк, диләр,
Буйсынмыйча кая барасың?!
Лена Галина (Муктасипова).
Бүздәк районы, Бүздәк авылы.