Валерий Григорьевын пьесыж почеш шындыме «ШОҤГО КАЧЕ» комедий районлаш вашка!

💢 3 ноябрь 18:00 - Провой вел Поянсола тӱвыра пӧрт.
💢 4 ноябрь 16:00 - У Торъял тӱвыра да каныме рӱдер.
_________________
Ялысе пӧръеҥ, ончычсо шофёр, а кызыт пенсионер Матвей Кукушкин изирак ялыште шкетын ила. Ватыже икмыняр ий ончыч ош тӱня дене чеверласен, икшывыже-влак тӱрлӧ кундемыш каен пытеныт. Пошкудо-влак денат кылым огеш кучо. Шкетланже йокрок ынже лий манын тудо казам ашнаш налеш. Ик кечын кӱлдымаш паша лийын кая: саде вольыкет, кочмыжо шуын колтенат, пошкудо ӱдырамашын икмыняр ковыштажым рожген кая...
Умбакыже мо лиеш палынеда гын, спектакльым ончаш толза!