✒ Сорни ёшпи вєрӑнтты ики

Я̆м арат оӆ юхӆы Мегион вош пўӊӑӆн хӑнты па вәнт юрн мир йис пурмӑсӑт ӆавӑӆты тӑхийн вәсум, щит кәрт иты вєрман вәӆ. Хурамӑӊ тӑхи – мӑӆӑӊ кўтн вәӆ. Вошӑӊ па мойӊ мир щив рўтьщӑты юхтыйӆӆӑт, вантэ, тӑта вәӆты хотӑт омӑсӆӑт. Щи пурайн ма вєрӑнтты хә Павел Константинович Казамкин пиӆа вәтаӊа йисум – ӆўв хәнты тӑм хӑнты кәрт омӑсты нётӑс.
Ӆўв пиӆэӆа путӑртмємн вәйтсум, ӆўв вән кєр тыӆӑщ 21-мит хӑтӆӑн 1967-мит оӆн Унъягун юхан хонӑӊӑн омсум вўт кәртӑн хӑнты-юрн семьяйн сєма питӑс. Ащеӆ – хӑнты хә Константин Наумович Казамкин, ӑӊкеӆ – юрн ими Манкасяп Аккаевна Иуси рәтӊӑн эвӑӆт вәсӊӑн. Йистєӆн ӆыв я̆м арат вўӆы тӑйсӑт, хўӆ па вой веӆпӑсӆӑсӑт. Ӆыв семьяеӆн ня̆ӆ няврєм сєма питӑс па єнмӑс: Анатолий, Владимир, Константин па Раиса.
Материал на сайте https://khanty-yasang.ru/khanty-yasang/no-21-3705/23542 #ХантыМансиМир #ХантыЯсанг #статьиОРНГ #ТекстНаХантыйском