* * *

Пулни жигардан деб чунон суйдилар,
Зинони ишқ дея топдилар малҳам.
Рибонинг номини қарз деб қўйдилар,
Жаханнамнинг номи ҳамон жаханнам.
Ғийбатлар жонингни ўртасалар ҳам,
Ёлғонни кўзинга қадасалар ҳам,
Порани совға деб атасалар ҳам,
Жаханнамнинг номи ҳамон жаханнам.
Иблисни олдилар паноҳларига,
Ёлғонни қўшдилар оҳ-воҳларига,
Турфа ном топдилар гуноҳларига.
Жаханнамнинг номи ҳамон жаханнам.
Вафонинг исмини унутдилар тез
Юраклар тошдану, кўнгиллари без.
Хиёнат севги деб аталгани кез, Жаханнамнинг номи ҳамон жаханнам.
Пулни жигардан деб чунон суйдилар,
Зинони ишқ дея топдилар малҳам.
Рибонинг номини қарз деб қўйдилар,
Жаханнамнинг номи ҳамон жаханнам!
Жаханнамнинг номи ҳамон жаханнам...
✍Малика Тавфиқ.
🎤Дильшод Умаров.
@Malika_Salimova_sheriyati