Մայիսի 27-ից 29-ը "ՆԻԿԱՐՄ" ֆուտբոլային ակումբը Իջևանում կազմակերպել էր ու անցկացրեց անկախ Հայաստանի ականավոր պետական , քաղաքական, հասարակական, կուսակցական գործիչ, ՀՀ երջանկահիշատակ վարչապետ ԱՆԴՐԱՆԻԿ ՄԱՐԳԱՐՅԱՆԻ հիշատակին նվիրված ֆուտբոլի սիրողական 3-րդ առաջնությունը: Այս տարի առաջնությանը մասնակցության հայտ էին ներկայացրել Երևանի, Գեղարքունիքի մարզի Վարդենիս համայնքի, Արագածոտնի մարզի Թալին համայնքի, Շիրակի մարզի Արթիկ համայնքի և Տավուշի մարզի Նոյեմբերյան , Գետահովիտ և Աչաջուր համայնքների ֆուտբոլի սիրողական թիմերը: Մայիսի 29-ին Իջևանի "ԱՐՆԱՐ" մարզադաշտում կայացավ առաջնության եզրափակիչ հանդիպումը: Հանդիպեցին նախորդ 2 առաջնությունների հաղթող "Երևան" թիմը /մարզիչ` Սամվել Ղասաբօղլյան/ և Իջևանի տարածաշրջանի 2014 թ, չեմպիոն "Գետահովիտ" թիմը /մարզիչ Արման Չապուխյան/: "Երևան" թիմի կազմում Իջևան էին ժամանել հայկական ֆուտբոլի հանրահայտ դեմքեր` 80-ականեր "ԱՐԱՐԱՏ" թիմի ֆուտբոլիստ Գուրգեն Ենգիբարյանը, Հայաստանի հավաքականի նախկին կիսապաշտպան Համլետ Մխիթարյանը, Կապանի "Գանձասար"-ի ռմբարկու Արթուր Քոչարյանը: Մինչև եզրափակիչ "Երևան" թիմը նույն 3:1 հաշվով առավելության էր հասել Նոյեմբերյանի ու Աչաջրի թիմերի նկատմամբ: "Գետահովիտ" թիմն էլ 3:1 հաշվով հաղթել էր Վարդենիսի թիմին, այնուհետև 2:0 Թալինի թիմին: Լարված ու հետաքրքիր հանդիպում էր: Արնար մարզադաշտի արևելյան տրիբունան համարյա լեփ-լեցուն էր: Երկրպագուները ոգևորում էին երկու թիմեր խաղացողներին: խաղն ավարտվեց 4:1 հաշվով` հօգուտ երևանցիների, որոն 3-րդ անգամ անընդմեջ դարձան առաջնության հաղթող: Խաղավարտից հետո կայացավ պարգևատրման արարողությունը: 3-րդ տեղ գրաված "Թալին" թիմին գավաթով,պատվոգրով և մեդալներով պարգևատրեց Գետահովիտ համայնքի ղեկավար Արթուր Ղազարյանը: Գետահովիտցիներին գավաթը, պատվոգիրը և մեդալները հանձնեց Երևանի քաղաքապետարանի աշխատակազմի սպորտի և երտասարդության հարցերի բաժնի վարիչ Յուրի Մամիկոնյանը: "Երևան" թիմին պարգևատրեց ԵՊՀ Իջևանի մասնաճյուղի տնօրեն Սամվել Առաքելյանը, ով նվերներ հանձնեց նաև եզրափակիչ խաղի լավագույն խաղացողներին- Գուրգեն Ենգիբարյան/"Երևան"/ և Կարեն Ենգիբարյան/"Գետահովիտ"/: Ինչպես միշտ այս տարի էլ "ՆԻԿԱՐՄ" ՖԱ մի նորամուծություն մտցրեցէ լավագույն խաղացոցների մրցանակները նվիրված էին մեր մարզի հայտնի ֆուտբոլիստներին: Լավագույն դարպասապահ և "ԳՐԻԳՈՐ ՄԵԼՔՈւՄՅԱՆ" մրցանակ - Վարդան Մազմանյան/"Գետահովիտ"/, Լավագույն պաշտպան և "ԱՐԱՄ ՓԱՐՍԱԴԱՆՅԱՆ" մրցանակ - Վարազդատ Նիկոյան/"Թալին"/.

Լավագույն կիսապաշտպան և "ՍԵՐՅՈԺԱ ՄԱՆՈւՉԱՐՅԱՆ" մրցանակ - Համլետ Մխիթարյան. Լավագույն հարձակվող և "ԳԱՌՆԻԿ ԱՎԱԼՅԱՆ" մրցանակ - Արթուր Քոչարյան /երկուսն էլ "Երևան"/. Լավագույն ռմբարկու և "ՇԻՐԱԿ ՍԱՌԻԿՅԱՆ" մրցանակ Հայկազ Ստեփանյան, Լավագույն մարզիչ և "ՎԱՉԻԿ ՂԱԼԹԱԽՉՅԱՆ" մրցանակ Արման Չապուխյան/ երկուսն էլ "Գետահովիտ:Լավագույն խաղացողներին Երևանի քաղաքապետի կողմից տրվեցին Անդրանիկ Մարգարյանին մասին պատմող գիրք և տեսաերիզ: Շնորհակալագրերի արժանացան նաև մասնակից համայնքների ղեկավարները: իսկ Տավուշի նորանշանակ մարզպետ Հովիկ Աբովյանին "ՆԻԿԱՐՄ" Ֆուտբոլային ակումբի կողմից ծննդյան 50-ամյակի կապակցությամբ ակումբի մարզաշապիկ նվիրվեց: Ավարտին ակումբի նախագահ Արմեն Խաչատրյանը շնորհակալություն հայտնեց մրցավարներին , մասնակիցներին , երկրպագուներին ու բոլոր աջակից ընկերներին: