FUTBOL YANGILIKLARI

"Реал" юлдузи миллий терма жамоа йиғини вақтида ноодатий хатти-ҳаракати билан ҳаммани ҳайратда қолдирди Мадриднинг "Реал" жамоаси ҳужумчиси Ян Диоманде Кот-д’Ивуар терма жамоаси ихтиёрида бўлиб турган вақтида амалга оширган ноодатий иши билан диққат марказига тушди. 19 ёшли футболчи кумирларини кўриш учун машғулот лагерига келган миллий терма жамоанинг ёш мухлисларини хурсанд қилишга қарор қилди. Диоманде тўсиқ ортида тўпланиб турган болаларнинг олдига бориб, уларга пул купюраларини тарқата бошлади. Ушбу видеоёзув ижтимоий тармоқларда тезда тарқалиб, мухлисларнинг ижобий муносабатига сабаб бўлди. Кадрларда футболчи кутилмаган совғаларни хурсандчилик билан қабул қилиб олаётган ёш ишқибозларга шахсан ўзи пул бераётгани акс этган. Испаниянинг “Mundo Deportivo” нашри маълумотларига кўра, ўйинчи шу тариқа ватандошларини қўллаб-қувватлашга ва миллий терма жамоага кўрсатилаётган эътибор учун уларга миннатдорлик билдиришга қарор қилган. Болалардан бири кейинчалик Диомандедан 10 минг КФА франки (тахминан 15 евро) қийматидаги пул олганини айтиб берди. Бундан ташқари, футболчи болаларни егулик ва мевалар билан ҳам меҳмон қилган. Таъкидлаш жоизки, Диоманде айни дамда Африка Миллатлари Кубоги саралашида қатнашаётган Кот-д’Ивуар терма жамоаси ихтиёрида бўлиб турибди. Ёш вингер 2026 йилнинг ёзида Германиянинг "Лейпциг" клубидан Мадриднинг "Реал" жамоасига ўтганди. Футболчи жорий мавсум 16 та ўйин ўтказиб, 4 та гол ва 4 та голли узатмага муаллифлик қилди.

📰 Кун ўйинлари натижалари: 🇺🇿 Пролига. 26-тур Металлург — Орол 1:0 Шўртан — БухДУ 3:0 Жайхун — Олимпик МобиУз 0:3 Яйпан — Лочин 1:0 Пахтакор-Фарм — Каттақўрғон 0:2 Ғазалкент — РФА 0:3 🤝 Ўртоқлик ўйини Ўзбекистон U-17 — Эквадор U-17 1:1

Месси, Ҳоланд ва бошқалар. FIFPRO 2026 йилнинг энг яхши футболчиларидан иборат рамзий жамоани эълон қилди Кутилмаганда 2026 йилги «Олтин тўп» эгаси Ҳарри Кейн жой олмади. Халқаро профессионал футболчилар федерацияси (FIFPRO) 2026 йил якунлари бўйича йилнинг энг яхши футболчиларидан иборат рамзий жамоани эълон қилди. Кутилмаганда 2026 йилги «Олтин тўп» эгаси Ҳарри Кейн жой олмади. Шунингдек, Криштиану Роналду ҳам рамзий жамоага киритилмади. Рамзий жамоадан қуйидаги футболчилар жой олди: Дарвозабон: Давид Райя («Арсенал») Ҳимоячилар: Ашраф Ҳакими («ПСЖ»), Пау Кубарси («Барселона»), Нуну Мендеш («ПСЖ») Яримҳимоячилар: Витиня («ПСЖ»), Родри («Барселона»), Жуд Беллингҳэм («Реал»), Ламин Ямал («Барселона»). Ҳужумчилар: Эрлинг Ҳоланд («Манчестер Сити»), Килиан Мбаппе («Реал»), Лионел Месси («Интер Майами»).

✅ Кун ўйинлари / 8 ноябр 🇺🇿 Суперлига. 27-тур 16:00. Нефтчи — ОКМК 16:00. Бухоро — Насаф 18:15. Пахтакор — Қўқон-1912 🏴󠁧󠁢󠁥󠁮󠁧󠁿 АПЛ. 10-тур 19:00. Кристал Пэлас — Ливерпул 19:00. Сандерленд — Челси 19:00. Брайтон — Брентфорд 19:00. Ипсвич — Борнмут 21:30. МЮ — Астон Вилла 🇪🇸 Ла Лига. 12-тур 18:00. Элче — Бетис 20:15. Реал Сосиедад — Райо Валекано 22:30. Вилярреал — Хетафе 22:30. Селта — Леванте 01:00. Атлетико — Барселона / Zo'r TV 🇮🇹 А Серия. 11-тур 16:30. Наполи — Лацио 19:00. Женоа — Милан 19:00. Монца — Аталанта 22:00. Интер — Комо 00:45. Фиорентина — Ювентус 🇩🇪 Бундеслига. 9-тур 19:30. Кёлн — Байер 21:30. Фрайбург — Юнион Берлин 23:30. Ҳоффенхайм — Шалке 🇫🇷 Лига 1. 10-тур 19:00. Ренн — Лилл 21:15. Брест — Лион 21:15. Ле Манс — Монако 00:45. Ланс — Марсел 🇨🇭 Швейцария Суперлигаси. 13-тур 18:00. Сент-Галлен — Лугано 🇷🇺 РПЛ. 14-тур 22:45. Балтика — Динамо

Почеттино «МЮ» бош мураббийлиги учун асосий номзодга айланди — манба Кэррикнинг келажаги яқин вақт ичида ҳал қилиниши кутилмоқда. «Манчестер Юнайтед» раҳбарияти бош мураббий Майкл Кэррикни лавозимидан озод этиш имкониятини жиддий кўриб чиқмоқда. Бу ҳақда журналист Бен Жейкобс хабар берди. Маълум қилинишича, клуб директорлар кенгаши ҳали якуний қарорга келмаган. Бироқ мураббийнинг келажаги яқин вақт ичида ҳал қилиниши кутилмоқда. Кэррикнинг ўрнига асосий номзодлардан бири АҚШ миллий жамоаси устози Маурисио Почеттино ҳисобланади. Аргентиналик мутахассиснинг шартномасида товон пули тўлаш орқали келишувни бекор қилиш банди мавжуд. Қайд этиш лозим, манчестерликлар ушбу мавсумда қониқарсиз иштирок этмоқда. Жамоа АПЛнинг дастлабки 10 турида бир марта ғалаба қозонди, беш бор дуранг ўйнади ва тўрт марта мағлуб бўлди. Айни вақтда «Манчестер Юнайтед» 8 очко билан 18-ўринда бормоқда ва қуйи лигага тушиб кетиш хавфи мавжуд ҳудуддан жой олган. Аввалроқ Дешам «қизил иблислар»нинг таклифини рад этгани маълум қилинганди.

Кубарси: «Менга овоз берган барча инсонларга миннатдорчилик билдираман» «Барса» ҳимоячиси Golden Boy мукофотини қўлга киритганидан сўнг ўз таассуротлари билан ўртоқлашди. «Барселона» ва Испания миллий жамоаси ҳимоячиси Пау Кубарси Европанинг энг яхши ёш футболчисига топшириладиган Golden Boy мукофотини қўлга киритди. 19 ёшли футболчи овоз бериш натижалари эълон қилингач, ўз таассуротлари билан ўртоқлашди. «Ушбу мукофотни қўлга киритганимдан жуда фахрланаман. Менга овоз берган барча инсонларга миннатдорчилик билдираман», — деди Кубарси Tuttosport нашри намойиш этган видеомурожаатда. Қайд этиш лозим, испаниялик ҳимоячи ўтган мавсумда «Барселона» билан мамлакат чемпионлиги ва Суперкубогини қўлга киритди. Шунингдек, у Испания миллий жамоаси сафида 2026 йилги жаҳон чемпионати ғолибига айланди. Кубарси бу мавсумда Ла Лигада 9 та ўйин ўтказиб, 2 та голли узатма берди. Бундан ташқари, у Чемпионлар Лигасининг 4 та учрашувида майдонга тушди. Аввалроқ Пау дунёнинг энг қиммат ҳимоячисига айлангани маълум қилинганди.

Аргентина терма жамоасида Мессининг вориси: 10-рақам учун икки номзод маълум бўлди Лионель Месси терма жамоадаги фаолиятини якунлади. Бироқ ҳозиргача унинг ўрнини ким эгаллаши ва миллий жамоадаги 10-рақамли футболка кимга насиб этиши номаълумлигича қолмоқда. The Touchline нашрининг Аргентинадаги ESPN бўлими маълумотларига таяниб хабар беришича, «альбиселесте» мураббийлар штаби Мессидан кейин 10-рақамни олиши мумкин бўлган икки нафар номзодни кўриб чиқмоқда. Манбага кўра, улар Нико Пас ва Лаутаро Мартинес ҳисобланади. Ноябрь ойида Аргентина терма жамоаси Уругвай ва Коста-Рикага қарши ўртоқлик учрашувларини ўтказади. Лионель Месси «альбиселесте» сафидаги хайрлашув учрашувини октябрь ойида ўтказган эди. Эслатиб ўтамиз, ёзда Аргентина терма жамоаси жаҳон чемпионати финалида Испанияга мағлуб бўлган эди.

МЮ ва "Ливерпуль" 40 миллион евролик дарвозабонга кўз тиккан "Брайтон" сафида ҳаракат қилаётган нидерландиялик дарвозабон Барт Вербрюгген трансфер бозорида талабга эга. 24 ёшли дарвозабоннинг ўйинларини Англия Премьер-лигасининг бир нечта йирик клублари кузатиб бормоқда. Гап "Ливерпуль”, "Манчестер Юнайтед" ва "Челси" ҳақида кетмоқда. Нидерландиялик кўплаб етакчи клубларнинг узоқ муддатли режаларида муҳим вариант сифатида кўрилмоқда. Вербрюгген 2023 йилнинг июлидан бери "Брайтон" сафида ўйнамоқда. Футболчининг амалдаги меҳнат шартномаси 2028 йил июнь ойи охиригача мўлжалланган. Transfermarkt унинг бозор қийматини 40 миллион еврога баҳоламоқда.

Ҳарри Кейн "Бавария" билан шартномасини 2029 йилгача узайтирди "Бавария" ҳужумчи Ҳарри Кейн билан битим узайтирилганини расман эълон қилди. Янги келишув 2029 йил 30 июнгача амал қилади. 33 ёшли англиялик футболчи 2023 йилнинг ёзидан буён мюнхенликлар шарафини ҳимоя қилиб келмоқда. Бу вақт ичида у 161 та расмий учрашув ўтказиб, 156 та гол уришга эришди. Кейн Мюнхенда ўзини ўз уйидагидек ҳис қилаётганини тан олди ва жамоа билан бирга янада кўпроқ совринларни қўлга киритиш истагини билдирди. "Мен ушбу клубни, унинг мухлисларини ва Мюнхен шаҳрини яхши кўраман. Бизда фантастик жамоа бор, Венсан Компани эса ажойиб мураббий. Бутун оилам бу ерда жуда бахтли. Қолишни истагандим ва келажакни сабрсизлик билан кутяпман", – деди ҳужумчи.