Чоподькс коцт

Ёмасть эрзянь вéлетне, Ёмсесть-сóлсесть сынь,
Ульнесть лáмо пингень перть,
Ней сынст а нейсынь.
Шказо сувонь коцтонзо
Ламо пингть коды,
Ёвксонь Эрзянь Мáстордонть,
Эрзясь а соды.
Эрзянь кéленть стувтызе,
Эрзякс а кортэ,
А эсь раськенть мелензэ
Вечки ды ванстэ.
Чамань коряс эрзя,
Эрзянь сельмензэ,
Ансяк эрзянь мелесь
Эзь ванстовт превсэ...
Эрзянь меленть кекшизе,
Мейсь ванстомс сонзэ?
"Мордва" валонть тонгить
Эрьва чи тензэ.
Мезекс теде сёрмадан?
Оймем сэреди.
Каткат седей потмакссом
Кенжесэст раздить.
Эрюш