ВАЙ, СЫРЕЧИ1

(автор Нина Яковлева)
1. Эзинь хватя уж кода, ютась
мазы порась и одкс чись.
Эзинь хватя кода сась,
апак учо сыре чись.
Апак терьде серьгеде,
салавине, састыне.
Кенкшем панжизе совась,
эзем пеньте сон озась.
Шумбрачи тень, эзь мере,
и одов уж эзь лисе.
Припев:
Вай сыре чи, тон сыре чи,
Апак учо мейсь тон сыть,
Эзинь наряжа стряпая,
Эзинь учо, а тон сыть.
Куплет 2.
Читне, ветне чиезь ютасть.
Иетне прок, ливтязь ливтясть.
А монень овси сынь чудявсть.
Вень кувалмо онокс марявсть.
Но сыть одов: тундось, кизэсь.
Ансяк авелявты пингесь.
Умонь иень кадовсть васов.
Авелявтыть монень одов.
Припев:
Вай сыре чи, тон сыре чи,
Мейсь пек курок, тон уж сыть?
Эшо ламо монь тевень,
Эсть прядово сынь монень.
Куплет 3.
Акемеви уж монень,
Нать одшкась, ношкстась эйстэнь.
Ансяк аволь пек умок,
Зярдо эрямо мон карминь,
А тесэ уж седойгадынь.
Кода одпорам лецтяви,
Седеем поцтон колави,
Но мезеяк атеиват,
Пингеньть оц авелявсак,
И сыре чиньть,
Од пораланкс, аполавсак.
Припев:
Вай сыре чи, тон сыре чи,
Пазонь кучовт, сыре чи,
Ков эйстэть оргодевлинь,
Козонь мон бы кекшевлинь.
Куплет 4.
Ушось якшавсь, сёксесь сась,
Чувтне эстэ лопатне прасть,
Нармуньтне лембе масторов ливтясть.
А моне стака сыре читне састь,
Лопатнень вармась васов пуви,
Прок монь пингем марост туи,
Юты телесь и сы тундось.
Одов лопасо вельтявить чувтнэ,
Ансяк од шкась, а велявты моне.
Припев:
Вай сыре чи, тон сыре чи,
Пазонь кучовт сыре чи.
Аштек лоткак, иля капша,
Илямак монь, пек сыредькста.
Куплет 5.
Пиземе пизи, варма пуви,
Эрьва чись ливтязь юты,
Пингем монь нирьканьгады,
А шумбрачим аламгады,
И сыречись эйсэнь старды.
И вана уж мон сырединь,
Сёксень лопакс мон пужинь,
Сормавсь чамалицинем,
Ёмась сельме валдынем.
Арась уж провор чинем, Мендявсь виде румгинем.
Припев:
Вай сыре чи, тон сыре чи,
Пазонь кучовт стака чи,
Мейсь саик шумбрачинем,
Мейсь меньдик, монь румгинем.
Куплет 6.
Покш сюкпря пазоньте мон ёвтан,
Кувака пингень киява молян,
Эрьва валске зоряньть марто стян.
Варшты чиндэ каршов мизолдан,
Марян, неян, кортан, паро арсян,
Пазонь мастор ланга якан.
Эйкакшон ды нуцькан ютксо,
Мельс паросо эрян-ашан,
Кадык кувацке мон сыридян,
И шумбрасто пильге ланксо якан.
Припев:
Вай сыре чи тон сыре чи,
Пазонь кучовт сыре чи,
Ванык мелем, арсек паро,
Кадумак эшо эрямо!