Свернуть поиск
Дополнительная колонка
Правая колонка
Алла́h Къур`а́нда буюрды:
هُوَ الَّذِي أَنْزَلَ عَلَيْكَ الْكِتَابَ مِنْهُ ءَايَاتٍ مُحْكَمَاتٍ هُنَّ أُمُّ الْكِتَابِ وَأُخَرُ مُتَشَابِهَاتٍ
Манасы: «Аллаh Пейгъамберге Къур`а́нны индирди, о Мухькяма́т Аетлерден – бу Китапнынъ эсасы ве Муташа́биhа́т Аетлерден ибарет».
Мухькяма́т Аетлер – бир мана ташыгъан, мана тарафтан анълайышлы олгъан ве тиль бакъымындан да анълатувгъа мухтадж олмагъан аетлер. Муташа́биhа́т Аетлер исе догъру анълатувгъа мухтадж олгъан кинаели (иносказательные) Аетлер. Оларны анълаткъанда Мухькяма́т Аетлерге эсасланмакъ керек. Чюнки Алла́h буюрды:
هُنَّ أُمُّ الْكِتَابِ
Манасы: «Олар Китапнынъ эсасы», яни оларгъа Муташа́биhа́т Аетлери эсаслана. Кинаели тек Къур`а́ндан Аетлер дегиль, Хьади́сьлер де ола билир. Кинаели Аетлернинъ ве Хьади́сьлернинъ тек тыш манасына бакъып эсасланмагъа мумкюн дегиль. Алла́h яратылгъанларгъа ошай деп тюшюнмесинлер ичюн кинае сёзлерни Шари́‘аткъа уйгъун шекильде анълатмакъ керек.
«Та́hа́» Суресинде, 5 Аетте бойле буюрыла, манасы: «Алла́h Аль-ʻАршны укюм этти». «Истауа» сёзнинъ бутюн маналардан бу Аетни анълатмакъ ичюн Ислям алимлери бойле маналарыны тасдикъладылар: «قَهَرَ» [каhара], «ستولى» [истауля́] – укюм этмек, «حفظ» [хафиза] – къорчаламакъ, «أبقى» [абка] – къорчалувда къалдыра. Алла́h яраткъан шейлерден Аль-‘Арш энъ балабан олгъаны себебинден, бу Аетте Аль-‘Арш акъкъында айтыла. Алла́h Аль-‘Аршны укюм эте, демек, башкъа эписи яратылгъан шейлерни де Алла́h укюм эте.
«һуд» Суресинде, 44 А́етте бойле буюрыла:
وَاسْتَوَتْ عَلَى الْجُودِيِّ
Манасы: «Нух Пейгъамбернинъ гемиси Джудий дагънынъ устюнде токътады». Бу ерде «اسْتَوَى» [истауа́] сёзюне алимлер «استقر» [истакъарра] яни токътамакъ, булунмакъ манасыны бердилер.

Присоединяйтесь — мы покажем вам много интересного
Присоединяйтесь к ОК, чтобы подписаться на группу и комментировать публикации.
Нет комментариев