☝️ Аб’яднаны пераходны кабінет прыняў пастанову аб руху супраціву, якая прадугледжвае пенсіі і льготы для ўдзельнікаў змагання за дэмакратыю і незалежнасць Беларусі.

«Пастанова Кабінету, як протадзяржаўнага інстытуту, у сваю чаргу фактычна надае гэтым людзям дадатковы статус, адпаведны іх важнай гістарычнай і грамадска-палітычнай ролі ў жыцці Рэспублікі Беларусь», — заявіў Павал Латушка.
А пакуль жа АПК будзе змагацца за за свабоду «кожнага і кожнай з іх даступнымі нам сродкамі, у тым ліку праз міжнародны і санкцыйны ціск».
▪️ Вадзім Кабанчук адзначыў, што пастанова датычыць розных груп, якія аказвалі супраціў: «Рух супраціву быў розны, ён эвалюцыяніраваў. Былі, напрыклад, такія групы як «рэйкавыя партызаны», групы Аліневіча, «Чорныя салаўі». Мы звяртаем увагу на ўсе групы патрыётаў, незалежна ад інструментаў барацьбы, выкарыстаных імі».
▪️ Прадстаўніца ў справе сацыяльнай палітыкі Вольга Зазулінская дадала, што гэтая пастанова мае падкрэсліць прызнанне людзей, якія заплацілі высокую цану за незалежнасць і годнасць Беларусі.
«Наша задача — зрабіць так, каб людзі, якія сталі на абарону свабоды краіны, ведалі: у будучыні дзяржава будзе побач і будзе дзейнічаць адказна».