«Латушка з самага пачатку быў беларускі, а не лукашэнкаўскі»

Павел Севярынец лічыць, што кіраўнік НАУ мог бы стаць прэм’ерам Беларусі пасля рэжыму Лукашэнкі
«У 2020 годзе менавіта Павел Латушка падняў сцяг для яднання ўсіх чыноўнікаў, нязгодных з Лукашэнкам – і гэты сцяг, канечне, быў бел-чырвона-белы.
Прайшоў праз пагрозы, замахі, правакацыі – і працягвае яднаць беларускія протадзяржаўныя структуры як класны камандны гулец», – сказаў Севярынец.
Былы палітвязень таксама нагадаў працу Латушкі да 2020-ага:
«Латушка зрабіў дзеля Беларусі ўсё, што мог, знутры сістэмы – годна, па-беларуску прадстаўляў Беларусь у краінах свету і міжнародных арганізацыях, прабіў грандыёзную праграму «Замкі Беларусі», ратаваў беларускую культуру ад саўка і Масквы.
Павел Севярынец упэўнены, што Латушка будзе «найлепшай альтэрнатываю на пасаду першага прэм'ер-міністра вольнай, дэмакратычнай і незалежнай Беларусі».