Асҡын балалар сәнғәт мәктәбендә 450-ләп бала шөғөлләнә.

Һорау биреүҙә фортепьяно класында шөғөлләнгән һәм уңыштарға өлгәшкән үҫмер Әхмәров Раил ҡатнашты. Был мәктәпкә лә капиталь ремонт кәрәк икән.
Радий Хәбиров видеолағы балаларға ҡарап һоҡланды, Раилде Башҡорт дәүләт опера һәм балет театрына берәй спектаклгә саҡырырға тәҡдим итте. Асыҡланыуынса, был мәктәпте ремонтлау өсөн документтар әҙер, әле финанслау мәсьәләһе хәл ителә. Федераль финанслау һорап, документтар Мәскәүгә ебәрелгән. “Мотлаҡ хәл итербеҙ”, – тине Радий Хәбиров.