Ишембай ҡалаһынан шашка буйынса спорт мәктәбе директоры Йәлил Сакаев спорт мәктәбе бинаһына капиталь ремонт кәрәклеге тураһында белдерҙе.

Бында 10 тренер эшләй, 200-ләп уҡыусы, шул иҫәптән күҙгә зәғиф балалар ҙа шөғөлләнә.
Йәлил Сакаев менән бергә Ульяна тигән шашкасы ҡыҙ ҙа һорау биреүҙә ҡатнашты. Ульяна насар күреүселәр ярыштарында уңышлы сығыш яһай, ул 5 йәшенән шашка менән шөғөлләнә.
Радий Хәбиров муниципалитетҡа мәсьәләне хәл итеү тураһында уйлашырға тәҡдим итте, “Башнефть” менән дә һөйләшербеҙ, тине.