Ассалам гlалайкум, дир магlарулал,

Рорчlами, рахъанищ, щиб бугеб нужер?
Жакъаги нилъее хамиз къо кьурав
Халикъасе щукру даим гьабулищ?
Хамиз къо бачlиндал бачlунеб рахlмат
Ралъадлъун рещтlаги щибасул рокъоб,
Къаси рузман сордо чlаго гьабурал
Гьареги Аллагьас сиддикъиналлъун.
Къалъудаса хадуб хамиз къоялъги,
Цингиги тlолабго рузман къоялъги,
Щамат къо къалъуде бахинегlанги
Хварал рукlунила нилъехъ балагьун.
Рачlа Къуръан цlалун рохизаризин
Хабалъ рукъун ругел нилъер умумул.
Эхеде кверал ккун дугlа гьабизин
Балагьал рорхизе сабаблъун чlезе.
Кьун лъугlулеб нигlмат гьечlин Бичасул
Гьаре садакъаби къасигун метер,
Къотlанагlан тlаде далулеб рахас,
Халикъ, Дуе буго щукруги рецги!
Гьаниб нилъедаго къаданиб цун рагъ,
Дора Гъаззаялда гъурун балеб халкъ,
Ракъарал гlадамал, гlодулел лъимал -
Гlадада рукlунге, диналъул яцал!
Гlибадат гьабунин мукъсанлъулареб
Дунялалъ гуккизе, воре, рукlунге,
Жакъа нилъер гlамал - лъикlабгун квешаб
Метер нилъедаго батизе буго!
Гьарула, нилъеда рагъ бихьугеги,
Гьарула, нилъеда ракъи лъагеги,
Гьарула, Бетlергьан, Мун гурхlиледухъ
Хьвадизе нижее кантlи-гьунар кье!
(Гlаи)