ЖУМА НАМОЗИ ҚИЁМАТ КУНИДА ЎЗ АҲЛЛАРИНИ ЙЎЛИНИ ЁРИТИБ ТУРАДИ.

---'''
Абу Мусо Ашъарий розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар:
«Бу ўтаётган кунлар Қиёматда ўзининг дунёдаги ҳолатига кўра тирилтирилади, жума куни ҳам чарақлаган нур сочиб турган ҳолида тирилтирилади. Худди гўшанга сари олиб борилаётган келиннинг атрофидагилар сингари жума аҳли ҳам жума теварагида тўпланиб олишади. Жума ўз аҳлига нур таратиб туради. Атрофидагилар унинг шуъласида, нурида юрадилар. Уларнинг ранглари оппоқ қордек, ҳидлари эса мушк-анбардек бўлади. Улар Кофур тоғларига кириб боришади. Инсон ва жинлар – барча уларга қараб туради. Улардан кўзларини юммасдан, кўзларини олиб қочмасдан, (жума аҳлининг кўриниши гўзаллигидан) таажжубланган ҳолда ҳамма томоша қилади. Токи жаннатга киргунларича уларга ҳеч ким қўшила олмайди, фақатгина савоб умидида азон айтган зотлар уларга қўшила олади».
"Энг шарафли уммат" китобидан.📚
​Эй, Яратган Эгам...
​Менга ҳаёт берганинг учун Сенга беҳисоб шукурлар бўлсин.
Уриб турган юрагим, кўришим, эшитишим ва Сенга исталган вақтда мурожаат қила олишим учун шукур.
​Ислом ва иймон неъмати учун, ҳар тонг уйқудан уйғониб, яна Ўзингга қайта олганим учун шукур.
​Ота-онам, яқинларим ва менга етказган ҳар бир яхшилигинг учун шукур.
Бошим узра осмон, ичиладиган сув ва ҳар бир тонг учун шукур.
​Қийинчиликларим учун — улар туфайли янада оқилроқ, сабрлироқ ва Сенга яқинроқ бўляпман.
Мендан яширган эшикларинг учун — уларни ёпиб, мени кўринмас ёмонликлардан асраганинг учун шукур.
​Мен сўраган нарсаларни бермаганинг учун — билдимки, улар мен учун хайрли эмас экан, Сен эса мени муҳофаза қилдинг.
​Эй, Раҳмли ва Меҳрибон Аллоҳим!
​Қалбимни, тилимни ва бутун борлиғимни Ўзингга бўлган шукур билан зийнатла.
Менга Ўзингнинг меҳрингни, хотиржамлигингни ва илоҳий нурингни насиб эт.
Хотирамни Ўзингни зикр қилиш билан, тилимни эса шукур қилиш билан банд этгин.
​Алҳамдулиллаҳ!
Ўтмишим учун, бугуним учун ва келажагим учун...
Ҳар бир неъматинг учун, ҳар бир синовинг учун — шукурлар бўлсин!
​#Амийн
Аллоҳим, Сен яратган қум зарралари сонича, менга инъом этган ҳар бир неъматинг учун шукрлар бўлсин!
Аллоҳим, Сен яратган дарахтларнинг барглари сонича, уйимизга берган бараканг ва ҳалол ризқимиз учун шукрлар бўлсин! Насиб этган ҳар бир ютуғимиз учун Сенга ҳамдлар бўлсин!
Аллоҳим, Сен яратган тошлар сонича, соғлом вужудим, юриб турган оёқларим ва кўраётган кўзларим учун шукрлар бўлсин!
🤲 Сиҳат-саломатлик энг катта бойлигимдир.
Аллоҳим, Сен яратган ёмғир томчилари сонича, фарзандларимнинг ва жигарбандларимнинг соғлиғи, камоли ва тинчлиги учун шукрлар бўлсин! Хонадонимиздан уларнинг кулгуси аримасин.
Аллоҳим, Сен яратган қор парчалари сонича, Сен деб ураётган, иймон билан нурафшон бўлган қалбим учун шукрлар бўлсин!
Аллоҳим, дунёдаги барча оналарнинг, оталарнинг ва биз суйган азиз инсонларнинг умрига, ризқига барака берганинг учун шукрлар бўлсин! Уларнинг борлиги бизнинг энг катта бахтимиздир.
Аллоҳим, кўрган ва кўролмаган барча гўзалликларим учун, олаётган ҳар бир мусаффо нафасим учун, ўтган куним, бугуним ва келажакдаги умидларим учун Сенга чексиз ва адоғсиз шукрлар бўлсин!
🤍✨
🤲 АЛҲАМДУЛИЛЛАҲ,
...... АЛҲАМДУЛИЛЛАҲ,
........ АЛҲАМДУЛИЛЛАҲ...
Аллоҳим!
Сен, Мусо алайҳиссалом ва Ҳорун алайҳиссаломга:
«Дуойингиз қабул бўлди», деб буюрдинг.
Биз ҳам бугун Сенинг раҳмат дарвозанг остонасида, худди ўшандай ожизлик ва худди ўшандай муҳтожлик билан турибмиз.
Аллоҳим, тилимизга чиқармаган изтиробларимизни Ўзинг биласан, кўз ёшларимизнинг таржимони Ўзингсан, қалбимизнинг энг чуқур жойларида яширган ниятларимизни Ўзинг кўриб турибсан.
Қанча замонлардан бери кутаётган умидларимиз бор. Қанча замонлардан бери кечалари омонат топшириб (илтижо қилиб) этган дуоларимиз бор. Фақатгина Сен билан ёлғиз қолгандагина айтган сирларимиз бор.
Ё Раббим! Агар дуоларимиз самога юксалди-ю, уларни қайтариб юборма. Агар кўз ёшларимиз аршга етиб борган бўлса, уларни раҳматингга ноил айла. Агар қалбимиз Сен томон йўналган бўлса, бизни Ўзингдан узоқлаштирма.
Сен шундай бир Роббсан-ки, қул истаса, Сен мурод бахш этасан; қул йиғласа, Сен раҳмат кўрсатасан; гуллар кутар, Сен «Бўл!» десанг, бутун йўллар очилади.
Аллоҳим, бизни дуонинг ўзи билангина овуниб қоладиганлардан эмас, дуонинг соҳибига (Ўзингга) қовушадиганлардан қил. Бизга фақатгина биз истаган нарсани эмас, Сени рози қиладиган нарсаларни насиб эт.
#Амийн!